Herman Satî Ewîne Kurdish Sorani 2023

یەکێک لە هێماکانی دەقێکی سەرکەوتوو یەوەیە کە کاتێک باسی بابەتێک دەکات خۆی لە چوارچێوەی بابەتەکەدا خۆی قەتیس ناکات بەڵکوو بابەتەکە لە جیهانێکی گەورەتردا دەشارێتەوە. غادە سەمان کاتێک باسی یەوین دەکات یەوین هەر دڵدارییەکی سانا و پەیوەندیی نێوان ژن و پیاوێک نییە بەڵکوو پەیوەندیی دوو مرۆڤ لە جیهانێکی گەورەدا کەوا هەر کام بەرهەمی کۆمەڵگە و دابونەریتێکن و هەر کام ڕوانینی جیاوازیان بۆ شتەکان هەیە. ڕێک یەو ڕوانینە جیاوازانەی وا لە کۆتاییی خۆیاندا بێبەزەیییانە بەسەر یەویندا زاڵ دەبن و کۆتایی پێ‌ دێنن. کتێبی هەرمان ساتی یەوینە پێکهاتەیەکە لەو شێوازە یەوینانە و یەو مرۆڤانەی لە کۆتاییدا یەوەی بە مرۆڤ دەبەخشێ تەنیایییە، تەنیاییەک کە بەرهەمی لێک تێگەیشتنی جیاواز و کۆمەڵگەی جیاواز و دابونەریتی جیاوازە. وەکوو یەوەی بڵێی بۆ هەر شوێنێکی جیهان ڕاکەی دیسانیش تەنیایی و ڕابردووت لەکۆڵت نابنەوە.