بەرەواژ کردی سورانی 2021

دەمویست شیعرەکانم ئەرشیفێکیان ھەبێت، پێم وا نییە شتێکی خراپم کردبێت و بۆ باشەش ئەوە ئیشی خوێنەرە، وا چاکە نووسەر بەدوای خوێنەردا ڕانەکات بۆ ئەوەی لێی ڕانەکەن. هەروەها لە بارەی کۆمەڵە شیعری بەرەواژ گوتی: گەورەی ئەم کۆمەڵە شیعرە تەمەنی ھەشت ساڵ و بچووکترینی ساڵێکە، تاکە شت کە زۆر لەسەری سوور بووم ئەوە بووە کە کتێبەکەم لە گەرووی کتێبی نووسەرێک یان دووانی دیکەوە دەرنەچووبێ، چونکە ناکامبوون لەوە خۆشترە. لەم کتێبەدا جگە لە شیعر، دیدارێکی ئەدەبی لە خۆگرتووە کە ڕۆژنامەنووس بەڵێن ساڵح سازیداوە. ( نارین ڕۆستەم) دەشڵێ : “من سیستەمی ئابووری لە شیعردا پەیڕەو دەکەم، نامەوێ دێڕێک لە خزمەت دێڕێکی شیعری دیکەدا بێت، دەمەوێ ھەموو دێڕەکان شیعر بن (مەرج نییە بتوانم ).” چەند دێڕێک لە کتێبەکە: کۆمەڵێک پەنجەی قرتاو لە زبڵخانەیەکدان. درێژترین پەنجە ھیی جەنگاوەرێکە، شەڕێک قەوما و شەرەفی نیشتمان ھاتە گۆڕێ و ئێ… با دەست بە وشەوە بگرین. تایەی لۆریی زبڵڕێژەکە قرچەی لە شتێک ھەستاند: پەنجەی مامۆستای بیرکاریمانە گەنگەرین پەڕاندی.