ڕەچەڵەکناسیی کەمپ کردی سورانی 2022

بەشی یەکەم، ڕەچەڵەکناسیی و مێژووی کەمپ بەسەردەکاتەوە، نووسەری ئەم کتێبە دەیەوێت کەمپی ئەمڕۆی پەنابەران بەهیچ جۆرێک جیانەکاتەوە لە ڕیشە کۆڵۆنییەکانی کەمپ، بۆ ئەم مەبەستە ئەم کتێبە ڕیشەی سەرهەڵدانی کەمپی کۆڵۆنیالیی دەپشکنێت و پاشان دەپەڕێتەوە بۆ لای کەمپەکانی کاری زۆرەملێ و قڕکردنی نازییەکان و بەشداریی کۆڵۆنیالیزم هەم بە ڕاستەوخۆ و هەم ناڕاستەوخۆ شیدەکاتەوە. بەشی دووەمی کتێبەکە تەرخانە بۆ کارکردنی کەمپی زۆرەملێ و قڕکردنی نازییەکان، لەم بەشەدا، سێ پرس بەسەر دەکەینەوە، کارکردنی کەمپی نازییەکان، لۆژیکی سەرمایەداریی پشت ئەو کەمپانە، بەتایبەت مۆدێلی باڵادەستی سەرمایەداریی تایلەریزم و فۆردیزم و پاشان مۆدێلی تەلارسازیی کەمپی نازییەکان، بەتایبەت بێرکناو-ئاوشڤیتز وەک فەنتازیای نازییەکان بۆ حوکم و باڵادەستیی. بەشی سێیەم تەرخانکراوە بۆ تیۆر و لێکۆڵینەوەکانی کەمپ و جوگرافیاکانی کەمپ. لەم بەشەدا گرنگترین ئەو بیرمەندەی کۆمەکی بە لێکۆڵینەوەی کەمپناسیی کردووە،