هەرمان ساتی ئەوینە الكردية السورانية 2023

یەکێک لە هێماکانی دەقێکی سەرکەوتوو ئەوەیە کە کاتێک باسی بابەتێک دەکات خۆی لە چوارچێوەی بابەتەکەدا خۆی قەتیس ناکات بەڵکوو بابەتەکە لە جیهانێکی گەورەتردا دەشارێتەوە. غادە سەمان کاتێک باسی ئەوین دەکات ئەوین هەر دڵدارییەکی سانا و پەیوەندیی نێوان ژن و پیاوێک نییە بەڵکوو پەیوەندیی دوو مرۆڤ لە جیهانێکی گەورەدا کەوا هەر کام بەرهەمی کۆمەڵگە و دابونەریتێکن و هەر کام ڕوانینی جیاوازیان بۆ شتەکان هەیە. ڕێک ئەو ڕوانینە جیاوازانەی وا لە کۆتاییی خۆیاندا بێبەزەیییانە بەسەر ئەویندا زاڵ دەبن و کۆتایی پێ‌ دێنن. کتێبی هەرمان ساتی ئەوینە پێکهاتەیەکە لەو شێوازە ئەوینانە و ئەو مرۆڤانەی لە کۆتاییدا ئەوەی بە مرۆڤ دەبەخشێ تەنیایییە، تەنیاییەک کە بەرهەمی لێک تێگەیشتنی جیاواز و کۆمەڵگەی جیاواز و دابونەریتی جیاوازە. وەکوو ئەوەی بڵێی بۆ هەر شوێنێکی جیهان ڕاکەی دیسانیش تەنیایی و ڕابردووت لەکۆڵت نابنەوە.