Ê'cazî Engustî Pakî Mḧemmed: Kurdiska (Sorani) 2024

کتێبی ئیعجازی ئەنگوستی پاکی محەممەد کە خوێندنەوەی شێعری سوارە ئیلخانیزادە لەژێر تیشکی خەبات و تێکۆشانی حیزبی دێموکراتی کوردستان بە درێژایی دەهەی چلی هەتاوی (شەستی زایینی)یە. کتێبەکە لە چەند بەش پێکهاتووە کە دوای پێشەکیی نووسەر سەبارەت بە ئاشنایی خۆی لەگەڵ شێعری سوارە و هۆکار و چۆنییەتی دەستبردن بۆ ئەم نووسینە، کورتە مێژوویەکی خەباتی حیزبی دێموکرات لە دەیەی چلی هەتاوی و پێوەندیی نێوان ڕێبەریی ئەو حیزبە لەگەڵ خوێندکارانی کوردی زانستگای تاران کە سوارەش یەک لەوان بوو، هاتووە. بە دوای ئەوەدا زۆربەی شێعرە بەناوبانگەکانی سوارە و پێوەندییان بە خەباتی حیزبی دێموکرات شرۆڤە کراون و لەم پێوەندییەدا نووسەر ئاماژەی بە کۆمەڵێک بابەت و ڕووداوی سەرنجڕاکێشی مێژووی سیاسیی ئەو سەردەمی ڕۆژهەڵاتی کوردستان کردووە. ئەو شێعرانەی لەو لێکۆڵینەوەیەدا شرۆڤە کراون بریتین لە: بیرەوەریی دووی ڕێبەندان بانگەوازی پەنجەرە خێڵی درۆ شەنگە سوار کچی بەیان خەوە بەردینە سروەی بەیانی تۆ دەریامی ئەوە وێڕای ئاماژە بە کۆمەڵێک شێعر و بابەتی دیکەی سوارە بۆ دەرخستنی ڕوانگەی سوارە سەبارەت بە کوردایەتی و دەرخستنی جیهانبینیی ئەو شاعیرە مەزنەی کورد.