“K-104” په‌نابه‌ری ژووری کردی سورانی 2023

بەسەرهاتی باوک و کوڕێکی دوور لە وڵاتە کە لە کەمپەکانی یۆنان گیریان خواردووە و تەنها هیوایان ئەوەیه وڵاتێک وەریانبگرێت و کۆچ بکەن. حەسەن و مۆحەممەد بە هۆی کێشەیەکی سیاسییەوە چارەنووسیان لێک دەئاڵێت و شانبەشانی یەکتر سنوورەکانی ئێران و تورکیا و یۆنان دەبڕن. لە ڕێگادا تووشی زۆر کێشە و کۆسپ دەبن و هەر تاوێک بە هۆیەکەوە گیر دەخۆن. کاتێک لە تورکیان ئاوات لەوە دەخوازن ئەو وڵاتە نگریس و نفرەت لێکراوە بەجێ بهێڵن و بە یۆنان بگەن، بەڵام کاتێک لە یۆنان دادەبەزن و لە کەمپی مووریا نیشتەجێ دەبن کەمپەکەیان لێ دەبێت بە دۆزەخێک کە تووشی کێشەی دەروونییان دەکات… دواتر دۆزەخەکە ئاگر دەگرێت و بۆ کارتەپەیان دەگوازنەوە، بەڵام ئەویاش دوای ماوەیەک دادەخرێت و حەسەن دەبێت خۆی باری ژیانی لە ئەستۆ بگرێت. بە یارمەتی چەند کەسی ئەفغانی بەرەو کەمپی ستاسخۆ دەڕوات و لەوێیش هەر بە هەمان شێوە پاش چەند شەو مانەوە لە ژێر خێوەتدا ژوورێکی پێ دەدن و لەوێ چاوەڕێ وەرگرتن لە لایەن وڵاتێکی ئەورووپییەوە دادەنیشێت. ژووری k104 هەواری هەڵفڕینی ئەم کوڕ و باوکەیە بەرەو شاری خەونەکان…..