Rapeřînekanî barzan: Kurdish Sorani 2023

دوای جەنگی یەكەمی جیهانیی كوردستان سێ ناوەندی گەورەی بزووتنەوەی نەتەوەیی هەبوو. ناوەندی سلێمانی كە شیخ مەحموودی حەفید سەركردایەتیی دەكرد، ناوەندی ورمی-چەهریق كە سمكۆ سەركردایەتیی دەكرد و ناوەندی كوردەكانیی ئیستەمووڵ كە دەستەی ئەنتیلگینسیای كورد سەركردایەتیی دەكرد. دواتر بە دریژەی ساڵانی بیستەكان خەباتی چەكداری كەم و زۆر لەناو هەموو بەشەكانی كوردستان بەردەوام بوو. لەگەڵ وەرچەرخانی ساڵانی سییەكاندا هەرسێ ناوەندی بزووتنەوەی كوردایەتیی تاڕادەیەك خامۆش كران و دواتر ڕاپەڕینی ئاگری داغیش خنكێنرا. لەناو گەرمەی ئەم تێكشكانە عەسكەرییە و سیاسییەی بزاڤی كوردایەتی لە سالڵی ۱۹۳۱ ڕاپەڕین لە بارزان هەلڵگیرسا. ئینگلیز لە عێراق حاكمی عیراق بوو و لە ڕاپەڕینی بارزان نیگەران بوو و لە نزیكەوە چاوەدێری دەكرد. دوای تێکشانی ڕاپەڕینی ساڵی ۱۹۳۱-۱۹۳۲ بارزانییەکان ئاوارەی تورکیا بوون و دواتر گەڕانەوە بۆ عێراق (۱۹۳۴) و لەگەڵ هەڵگیرسانی ئاگری دووەم جەنگی جیهانیی، مستەفا بارزانی بە یارمەتی حیزبی هیوا لە ۱۲ی تەممووزی ۱۹۴۳ لە سلێمانی ڕادەكات و دەچیتە كوردستانی ئێران و دواتر دەگەرێتەوە بۆ بارزان و بەدرێژایی ساڵانی ۱۹۴۳-۱۹۴۴ تاوێک لە جەنگ و تاوێک لە مفاوەزەدا بووە لە گەڵ حوکوومەتی عێراق تا ساڵی ۱۹۴۵ و ئەم کتێبە هەمووی ئەو بەڵگەنامانەن، کە لە ئەرشیڤخانەکانی فەرەنسا بەریتانیا وەرگیراون و ڕووناکییەکی زۆر دەخەنە سەر قۆناغ و ڕەوتی ئەم بزووتنەوە لە ساڵی ۱۹۳۱ -ەوە تا ۱۹۴۵ و هاوکات جگە لە بەڵگەنامەکانبە زمانی کوردی، کۆپی ئەسڵیی بەڵگەنامەکانیش لەم کتێبەدا بڵاوکراونەتەوە