Şahin və şəhlanin sərgüzəştlari الأذربيجانية (لاتينية) 2016

Şahin və Şəhlanın həyatı hər gün məktəbə gedib-gələn, dərslərlə məşğul olan bütün məktəblilərin həyatından heç nə ilə fərqlənmirdi. Amma günlərin birində onlar yeni və qəribə dostları ilə - danışan pişik və dibçəklə birlikdə kompüterlər dünyasının heç kimə bəlli olmayan hissəsinə səyahət edirlər. Bu səyahət zamanı başlarına gələnlər sayəsində onlar artıq hər şeyin fərqinə varır, əvvəl əhəmiyyət vermədikləri təbiət hadisələri ilə, bitkilərin və heyvanların dünyası ilə yaxından tanış olurlar. Dostlar anlayırlar ki, dünyanı tanımağa əslində elə insandan başlamaq lazımdır. Amma insanlar aləmini tanımaq o qədər də asan deyilmiş. Şahinlə Şəhla heyvanların və bitkilərin dilini öyrənir, onların dediklərini başa düşürlər. Yeniyetmə məktəblilərin başına gələn macəralardan bəhs edən "Şahin və Şəhlanın sərgüzəştləri" kitabı orta və yuxarı sinif şagirdləri üçün nəzərdə tutulub. Oxucular həyatımızın ayrılmaz hissəsinə çevrilən kompüterlərin, insanın əhəmiyyət vermədiyi canlıların, ağacların, heyvanların da öz dünyasının olduğunu və müasir dövrdə insanın vəhdət halında olan bu dünyadan nə qədər uzaq düşdüyünü, ona ögey münasibət bəslədiyini hiss edirlər.