مرۆڤە خۆڵەمێشییەکان العربية 2024

لەم دەقەمدا "مرۆڤە خۆڵەمێشییەکان" دەستم بۆ مەسەلەیەکی تر بردووە، کە لەوەوبەر بە هیچ شێوەیەک کارم لەسەر نەکردوون؛ ئەویش مەسەلەی "تاوان و سزا"یە، هاوکات پەیوەندی ئەم دوو چەمکە بە مەسەلەکانی دەسەڵات و دەسەڵاتێکی توتالیتارەوە. پێنج کارەکتەر لە بەندیخانەیەکدا، هەریەکە و بە هۆکارێک گیراون، کە ڕووبەرووی دەسەڵاتێکی ڕەها و ستەمکار و توتالیتار دەبنەوە. لەم دەقەیشدا، وەک دەقەکانی ترم کارم لەسەر دەروونی مرۆڤ کردووە، بۆ نموونە ئەم کارەکتەرانە چەندە دەتوانن بەرگە بگرن. هەروەها باسی ئەوە دەکات، دەسەڵات چەندە دەتوانێت، بێ ئەوەی بە خۆت بزانی بتگۆڕێت و تێکت بشکێنێت. لەم ڕووەوە کارەکتەرەکان لەنێو چەند ئەڵنگارییەکی جودادا لە پەیوەندیدان بە دنیای زیندانییەکانی تری بەندیخانەکەوە، هەروەها وێناکردنی ئەو واقیعەی لە دەرەوە دەگوزەرێت.